واشنگٹن(نیشنل ٹائمز)امریکا نے 4 سال بعد اپنے پاس موجود جوہری ہتھیاروں کی تعداد بتا دی۔امریکی محکمہ خارجہ نے 4 سال کے تعطل کے بعد جوہری ہتھیاروں کے اعداد و شمار جاری کیے ہیں۔ امریکا کی جانب سے جاری رپورٹ کے مطابق ستمبر 2020 تک امریکا کے پاس 3750 جوہری ہتھیار موجود تھے۔رپورٹس میں کہا گیا ہے کہ امریکا کے پاس 2018 میں 3785 جبکہ 2003 میں جوہری ہتھیاروں کی تعداد 10 ہزار سے زائد تھی۔رپورٹس کے مطابق امریکی جوہری ہتھیاروں کی موجودہ تعداد 1967 کے بعد سب سے کم ہے، 1967 میں امریکا کے پاس 31 ہزار سے زائد جوہری ہتھیار موجود تھے۔امریکا کی جانب سے اعدادو شمار جاری کرنا روس سے تخفیف اسلحہ سے متعلق مذاکرات دوبارہ شروع کرنے کی کوششوں کا حصہ ہیں۔