راولپنڈی(نیشنل ٹائمز) ڈپٹی کمشنر راولپنڈی محمد علی نے کہا ہے کہ ڈینگی کے پھیلنے کے سیزن کا آغاز ہو چکا ہے اور تمام محکموں کو انتہائی الرٹ ہونے کی ضرورت ہے تاکہ شہر میں ڈینگی لاروا کی افزائش ممکن نہ ہو سکے۔انہوں نے کہا کہ ڈینگی کے حوالے سے حساس یونین کونسلوں کی ترجیحی طور پر نگرانی کی جائے اور ڈینگی ہاٹ سپاٹس کر فوری پر تلف کیا جائے اور اس حوالے سے متعلقہ محکمے عملدرآمد کی رپورٹ جمع کرائیں ان خیالات کا اظہار انہوںنے ڈینگی کنٹرول کے حوالے سے کئے جانے والے انتظامات کا جائزہ لینے کے لئے منعقدہ اجلاس میں کیا اجلاس میں محکمہ صحت، ماحولیات، شہری دفاع اور دیگر متعلقہ محکمے شریک ہوئے ڈپٹی کمشنر محمد علی نے کہا کہ ماہ ستمبر میں تمام محکمے ہنگامی بنیادوں پر اپنے مائیکرو پلانز کو از سر نو مرتب کریں اور ان میں موجود خامیوں کا جائزہ لے کر ان کو دور کیا جائے اور فول پروف سرویلنس کو یقینی بنایا جائے۔انہوں نے کہا کہ محکمہ ماحولیات کی ٹیمیں شہر میں موجود تمام کارخانوں کا جائزہ لیں اور وہاں پر ڈینگی لاروا کی افزائش کے مقامات کو تلفی کو یقینی بنایا جائے۔