مشی گن(نیشنل ٹائمز)امریکی ریاست مشی گن میں کارلسن ہائی سکول کو بم کی دھمکی موصول ہونے کے بعد سکول کی عمارت فوری طور پر خالی کروا لی گئی۔
غیر ملکی خبر ایجنسی کے مطابق سکول میں امریکی وسط مدتی انتخابات کیلئے پولنگ سٹیشن قائم کیا گیا تھا، دھمکی ملنے کے بعد انتظامیہ نے عمارت خالی کروا دی۔
رپورٹ میں بتایا گیا ہے کہ وین کاؤنٹی شیرف آفس کی ٹیم نے سکول اور اطراف کے علاقے کی تلاشی شروع کر دی ہے، حکام کی جانب سے واقعے سے متعلق ابھی مزید تفصیلات سامنے نہیں آئیں۔
