تہران(نیشنل ٹائمز) وفاقی وزیر داخلہ محسن نقوی کا ایران کا سرکاری دورہ، محسن نقوی کی ایرانی صدر سے ملاقات ہوئی، خطے کی صورتحال پر تبادلہ خیال کیا گیا۔
صدر مسعود پزشکیان نے کہا کہ امریکی دباؤ کی وجہ سے مسلم ممالک ایک دوسرے کے زیادہ قریب ہوئے ہیں، ایران اور پاکستان علاقائی صلاحیتوں سے فائدہ اٹھا کر اپنی ضروریات کا کچھ حصہ پورا کرسکتے ہیں۔
انہوں نے کہا کہ پاکستان تجارت، معیشت، سیاست، ثقافت اور سائنس میں مشترکہ تعاون کو مزید وسعت دینے کیلئے پر عزم ہے۔
واضح رہے کہ محسن نقوی کی ایرانی وزارت داخلہ آمد ہوئی، سکندر مومنی سے ملاقات ہوئی، پاک ایران دوطرفہ تعلقات اور خطے کی تازہ ترین صورتحال پر تبادلہ خیال کیا گیا، مختلف شعبوں میں جاری دوطرفہ تعاون پر پیش رفت کا جائزہ لیا گیا۔
سکندر مومنی نے علاقائی امن و استحکام کیلئے وزیراعظم اور فیلڈ مارشل کی کاوشوں پر شکریہ ادا کیا، انہوں نے کہا کہ خطے میں قیام امن کیلئے پاکستان کی مسلسل کاوشوں پر شکر گزار ہیں، پاکستان کا حالیہ دورہ بہت مفید رہا۔
محسن نقوی نے کہا تھا کہ آنے والے وقت میں دوطرفہ تعلقات مزید مستحکم ہوں گے۔
