اسلام آباد(نیشنل ٹائمز)پاکستان کرکٹ ٹیم کے سابق لیجنڈری کرکٹر وسیم اکرم کی اہلیہ شنیرا نے اپنے ایک قریبی عزیر کی عالمی وبا کورونا وائرس سے جلد صحتیابی کے لیے دعاؤں کی اپیل کی ہے۔شنیرا نے اپنے ایک قریبی عزیز کے جلد کورونا وائرس سے صحتیاب ہونے کے لیے دعاؤں کی اپیل کرتے ہوئے اپنی انسٹاگرام اسٹوری میں خصوصی پیغام جاری کیا ہے۔ انہوں نے اپنی انسٹا اسٹوری میں لکھا کہ’ایک قریبی عزیز کے لیے آپ سب کی دُعاؤ ں کی ضرورت ہے جوکہ اس وقت آئی سی یو میں داخل ہیں۔‘وسیم اکرم کی اہلیہ نے لکھا کہ ’دُعا ہے کہ وہ جلد ہی اس جان لیوا وائرس کو شکست دیں۔‘شنیرا نے مزید لکھا کہ ’اللّہ! انہیں اتنی طاقت دے کہ وہ اس بیماری سے نکل سکیں اور ان کے اہلخانہ کو ہمت دے جو ان کا گھر واپسی کے لیے انتظار کررہے ہیں۔‘