مونٹریال(نیشنل ٹائمز)مغربی کینیڈا میں ہنگامی لینڈنگ کی کوشش کے دوران چھوٹا مسافر طیارہ سڑک پر ایک گاڑی سے ٹکرا گیا، حادثے میں ایک شخص ہلاک ہوگیا۔
رائل کینیڈین پولیس کے مطابق واقعہ برٹش کولمبیا کے شہر پرنس جارج میں پیش آیا۔ جائے حادثہ کی تصاویر میں طیارے کو جنگلاتی علاقے کے قریب سڑک کنارے گھاس پر دیکھا جاسکتا ہے ۔ حکام کے مطابق طیارے میں سوار افراد کے زخمی ہونے سے متعلق فوری طور پر معلومات دستیاب نہیں ہوسکیں۔
