بیجنگ (شِنہوا) چینی وزارت خارجہ کے ترجمان نے کہا ہے کہ جاپانی وزیراعظم سنائی تاکائیچی نے اپنے خطاب میں تاریخی اسباق پر غور کرنے سے گریز کیا اور جاپان کی جارحانہ کارروائیوں کی ذمہ داری سے پہلو تہی کی، جس سے تاریخی معاملات پر جاپان ایک بڑا قدم پیچھے ہٹ گیا ہے۔
وزارت خارجہ کے ترجمان لین جیان نے معمول کی پریس بریفنگ میں 15 اگست کو جنگ میں ہلاک ہونے والوں کی قومی یادگاری تقریب میں تاکائیچی کے خطاب پر تبصرہ کرنے کے لئے پوچھے گئے سوال پر ردعمل دیا۔ لین جیان نے کہا کہ اس سے ایک بار پھر تاکائیچی انتظامیہ کی اس مذموم کوشش کا پردہ فاش ہوگیا ہے کہ وہ جاپان کی جارحیت کی تاریخ سے متعلق فیصلے کو چھپانے، مسخ کرنے اور اسے پلٹنے کی کوشش کر رہی ہے۔