اسلام آباد(نیوز ڈیسک)شعبہ طب میں ماہرین اکثر وبیشتر وائرل ذرات، جسمانی خلیے، بیکٹریا اور پروٹین سمیت دیگر اشیا کی گہرائی سے جانچ پڑتال کے لیے عموماً مائیکرو اسکوپ کا استعمال کرتے ہیں۔اس بار سائنس دانوں نے کوروناوائرس کے خلاف ہتھیار سمجھے جانے والے فیس ماسک پر مائیکراسکوپ کا ستعمال کیا ہے اور یہ جاننے کی کوشش کی گئی کہ ماسک کا اندرونی حصہ کیسا ہوتا ہے اور اس کے ریشے کس طرح دکھتے ہیں۔خیال رہے کہ وبائی صورت حال کے دوران ماہرین این 95 ماسک کو سب سے بہترین قرار دیتے ہیں لیکن دو عام ماسک کا استعمال کیا جائے تو یہ بھی وبا کو روکنے کے لیے این نائنٹی فائیو جیسی حفاظت فراہم کرتے ہیں۔ یہ عمل مہلک وائرس کے خلاف زیادہ مؤثر بھی ہوجاتا ہے۔ فیس ماسک کا مقصد ہوا میں موجود وائرل ذرات کی روک تھام کرنا ہے۔