اسلام آباد (نیشنل ٹائمز)پاکستان پیپلز پارٹی پارلیمنٹرینز کی مرکزی ترجمان شازیہ مری نے کہا کہ دریائے سندھ پاکستان کی زندگی، معیشت اور تہذیب کی علامت ہے ،پاکستان اپنے جائز آبی حقوق کا ہر قیمت پر دفاع کرے گا ، دریائے سندھ صرف ایک دریا نہیں بلکہ پاکستان کی معیشت، زراعت اور عوام کی زندگی کی شہ رگ ہے ، انہوں نے کہا کہ پانی سیاسی ہتھیار نہیں بلکہ کروڑوں انسانوں کی زندگی اور زراعت کا معاملہ ہے ، انہوں نے کہا کہ بلاول بھٹو زرداری قومی و بین الاقوامی سطح پر پاکستان کے آبی حقوق کے تحفظ کے لئے مؤثر آواز اٹھاتے رہیں گے ۔