بیجنگ (شِنہوا) چینی کوسٹ گارڈ (سی سی جی) نے کہا ہے کہ جمعرات کو ہوانگ یان ڈاؤ کے قریب چین کے علاقائی سمندری حدود میں داخل ہونے والے فلپائنی حکومت کے دو جہازوں کو باہر نکالنے کے لئے کئے گئے اقدامات پیشہ ورانہ، قواعد کے مطابق جائز اور قانونی تھے۔
چینی کوسٹ گارڈ کے ترجمان جیانگ لوئے نے کہا کہ فلپائن کے دونوں جہازوں نے چین کی جانب سے بار بار خبردار کئے جانے اور روکنے کی کوششوں کو نظر انداز کرتے ہوئے داخل ہونے کی کوشش کی۔
انہوں نے کہا کہ سی سی جی نے قانون کے مطابق ضروری اقدامات کئے جن میں جہازوں کی نگرانی، انہیں روکنا اور علاقے سے باہر نکالنا شامل تھا۔
جیانگ لوئے نے کہا کہ ہوانگ یان ڈاؤ چین کا لازمی حصہ ہے اور فلپائن پر زور دیا کہ وہ فوری طور پر اپنی خلاف ورزیوں اور اشتعال انگیز کارروائیوں کو بند کرے۔
جیانگ نے مزید کہا کہ چینی کوسٹ گارڈ آئندہ بھی ہوانگ یان ڈاؤ کے سمندری علاقے میں قانون کے مطابق اپنی کارروائیاں جاری رکھے گا اور چین کی علاقائی خودمختاری اور سمندری حقوق و مفادات کا ہر قیمت پر دفاع کرے گا۔