شنگھائی (شِنہوا) چائنہ اسٹیٹ شپ بلڈنگ کارپوریشن (سی ایس ایس سی) نے تصدیق کی ہے کہ اس کی ذیلی کمپنی نے گنی کے ساحل کے قریب واقع سیماندو لوہے کی کان کے منصوبے کے لئے تیار کردہ 41 ہزار 800 ٹن وزنی بڑے جہاز کی حوالگی مکمل کر دی ہے، جو خودکار طور پر خالی ہونے کے نظام سے لیس ہے۔
اس جہاز نے صنعت کے لحاظ سے 3 عالمی سنگ میل قائم کئے ہیں۔ یہ دنیا کا کم گہرے پانی میں کام کرنے والا سب سے بڑا خودکار ان لوڈنگ ٹرانسشپمنٹ بلک کیریئر، تیز ترین خودکار ان لوڈنگ جہاز اور وزن برداری کی درجہ بندی میں دونوں سمتوں میں سفر کرنے کی صلاحیت رکھنے والا دنیا کا پہلا خودکار ان لوڈنگ جہاز ہے۔
سی ایس ایس سی چھینگ شی شپ یارڈ کی عالمی کان کن کمپنی ریو ٹنٹو کے لئے تیار کردہ اس جہاز وونٹانارا کی لمبائی 215 میٹر، چوڑائی 42 میٹر اور گہرائی 14.5 میٹر ہے جبکہ اس کے کارگو ہولڈ کی گنجائش 29 ہزار مکعب میٹر ہے۔
یہ بلک کیریئر جہاز خودکار نظام کی بدولت سامان اتارنے کے لئے بندرگاہ پر نصب کرینوں کا محتاج نہیں ہے۔ یہ گنی میں کم گہرے پانی والے ٹرمینلز اور سمندر میں گہرے پانی کے لنگر انداز مقامات کے درمیان لوہے کی دھات کی نقل و حمل کے لئے بحری شٹل کے طور پر کام کرے گا۔