اسلام آباد (نیشنل ٹائمز) اسلام آباد میں معروف ڈیفنس اینالسٹ اور ماہرِ سکیورٹی امور اکرام سہگل کی نئی کتاب “نیشنل سکیورٹی اسٹریٹیجی” کی تقریبِ رونمائی کا انعقاد کیا گیا، جس میں سیاسی، عسکری اور دانشور شخصیات نے شرکت کی۔

تقریب میں سابق آرمی چیف جنرل (ر) راحیل شریف بطور مہمانِ خصوصی شریک ہوئے، جبکہ سابق وزیراعظم شاہد خاقان عباسی بھی تقریب میں موجود تھے۔ مختلف شعبہ ہائے زندگی سے تعلق رکھنے والی اہم شخصیات نے بھی تقریب میں شرکت کی۔

تقریب کے دوران قومی سلامتی سے متعلق اہم موضوع پر مبنی کتاب کو باضابطہ طور پر منظرِ عام پر پیش کیا گیا۔ اس موقع پر قومی سلامتی، خارجہ امور اور خطے کی مجموعی صورتحال سے متعلق اہم گفتگو متوقع ہے۔

تقریب سے خطاب کرنے والے مقررین پاکستان کو درپیش سکیورٹی چیلنجز اور قومی سلامتی سے متعلق مختلف پہلوؤں پر اظہارِ خیال کر رہے ہیں۔