بیجنگ (شِنہوا) چین کی وزارت تجارت نے پیر کے روز قومی سلامتی و مفادات کے تحفظ اور عدم پھیلاؤ سمیت بین الاقوامی ذمہ داریوں کی تکمیل کے لئے قومی ادارہ برائے دفاعی مطالعات سمیت 20 جاپانی اداروں کو برآمدی کنٹرول کی اپنی فہرست میں شامل کر دیا ہے۔
وزارت کی جانب سے جاری کردہ اعلامیے کے مطابق برآمد کنندگان کو ان اداروں کو دوہرے استعمال کی اشیاء برآمد کرنے کی اجازت نہیں ہوگی۔ اسی طرح بیرون ملک تنظیمیں اور افراد بھی چین میں تیار یا چین سے حاصل شدہ دوہرے استعمال کی اشیاء ان اداروں کو منتقل یا فراہم نہیں کر سکیں گے۔ اس حوالے سے جاری تمام متعلقہ سرگرمیاں فوری طور پر روک دی جائیں گی۔
وزارت نے پیر کو ہی مٹسوئی ای اینڈ ایس کمپنی لمیٹڈ سمیت 20 جاپانی اداروں کو نگرانی کی فہرست میں بھی شامل کر دیا کیونکہ ان اداروں کی جانب سے دوہرے استعمال کی اشیاء کے حتمی صارفین اور ان کے استعمال کی تصدیق نہیں کی جا سکی۔
چین نے 20 جاپانی اداروں کو برآمدی کنٹرول کی فہرست میں شامل کرلیا
