بیجنگ (شِنہوا) بیجنگ میں جاری چوتھی چائنہ بین الاقوامی سپلائی چین نمائش میں ہوا بازی کی صنعت کی اختراع پر مبنی ایک مکمل سلسلہ سب کی توجہ کا مرکز بنا ہوا ہے۔ ہوا بازی کے مواد، بنیادی پرزہ جات اور کم بلندی والی معیشت کی ایپلی کیشنز پر پھیلی اس سلسلے نے شریک کمپنیوں کی طرف بڑے پیمانے پر لوگوں کو متوجہ کیا ہے۔
ایئر بس جیسے عالمی بڑے اداروں نے اپنی گہری شراکت داریوں کو اجاگر کیا ہے اور چائنیز “چین لیڈرز” دنیا بھر کے سپلائرز سے رابطے قائم کر رہے ہیں، یہ شعبہ اس نمائش کے بنیادی پیغام کی عکاسی کرتا ہے کہ جب صنعتیں سرحدوں سے بالاتر ہو کر تعاون کرتی ہیں، تو ایک سپلائی نظام سب کے لئے سودمند سلسلہ بن سکتا ہے۔
بائم ٹیک میٹریل کمپنی لمیٹڈ کے سٹال پر سول ٹائٹینیم الائے کے بنے درست کاسٹنگز، سپر الائے ماسٹر الائز اور طیارے کے کاک پٹ کے شفاف شیشے نمائش کے لئے رکھے گئے ہیں۔
بائم ٹیک کے ڈیویلپمنٹ پلاننگ ڈیپارٹمنٹ کے سربراہ لی پی ہوان نے کہا کہ “ہم نے دنیا کے بڑے طیارہ ساز اداروں کے ساتھ مستحکم شراکت داری قائم کی ہے اور ہماری متعدد پروڈکٹس چین کے سی909 اورسی919 مسافر بردار جیٹ طیاروں میں استعمال ہو رہی ہیں۔ ہم نے ترقی کا ایک ایسا دوطرفہ ماڈل حاصل کیا ہے جو بین الاقوامی مارکیٹ شیئر کو بڑھانے کے ساتھ ساتھ مقامی سپلائی کو بھی یقینی بناتا ہے۔”
خاص بات یہ ہے کہ یہ ایپلی کیشنز صرف ہوا بازی تک محدود نہیں ہیں۔ بائم ٹیک کے تیار کردہ کوبالٹ پر مبنی دھاتوں کا آمیزہ اب مصنوعی ہڈیوں کے جوڑوں میں استعمال ہو رہے ہیں، جنہیں اپنی پائیداری، زنگ کے خلاف مزاحمت اور انسانی جسم کے ساتھ مطابقت کی وجہ سے دنیا بھر کے ڈاکٹروں اور مریضوں سے پذیرائی مل رہی ہے۔
قریب ہی، چین کے شمالی صوبے ہیبےکے شہر کانگ ژو میں قائم کانگ ژو داہوا گروپ نے ڈرونز کے لئے مخصوص میٹریل کی نمائش کی ہے۔
کمپنی کے منیجر لی پان پان نے وضاحت کرتے ہوئے بتایا کہ ان کا تیار کردہ سلیکون-پی سی گلاس فائبر کمپوزٹ ڈرون کے بیرونی ڈھانچے میں بڑے پیمانے پر استعمال ہوتا ہے، جو ہلکے وزن کے ساتھ ساتھ اعلیٰ مضبوطی فراہم کرتا ہے، جبکہ بیٹری الگ کرنے والے حصوں کے لئے ان کا ‘برومینیٹڈ پی سی میٹریل’ آگ بجھانے کے اعلیٰ ترین معیار پر پورا اترتا ہے۔