بیجنگ (شِنہوا) چین کے اعلیٰ سیاسی مشیر وانگ ہوننگ نے چینی عوامی سیاسی مشاورتی کانفرنس (سی پی پی سی سی) کے ارکان پر زور دیا ہے کہ وہ کمیونسٹ پارٹی اور ملک کے مرکزی امور پر توجہ مرکوز کرتے ہوئے اپنے فرائض سرانجام دیں۔
کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن اور سی پی پی سی سی کی قومی کمیٹٹی کے چیئرمین وانگ ہوننگ نے ان خیالات کا اظہار سی پی پی سی سی کی قومی کمیٹی کی چیئرپرسنز کونسل کے ایک اجلاس کی صدارت کرتے ہوئے کیا۔
وانگ نے سیاسی مشیروں پر زور دیا کہ وہ مربوط علاقائی ترقی کے فروغ، ہمہ جہت دیہی بحالی کو آگے بڑھانے اور سب کے لئے مشترکہ خوشحالی کے حصول جیسے امور پر سرگرمی سے اپنی تجاویز اور مشورے پیش کریں۔
انہوں نے معاشی، سائنسی اور تکنیکی شعبوں سمیت دیگر شعبہ جات سے تعلق رکھنے والے سی پی پی سی سی کے ارکان کی رہنمائی کے لئے کوششوں پر زور دیا تاکہ وہ معائنوں، موقع پر دوروں اور تجاویز کے ذریعے مستقبل کی صنعتوں کو فروغ دینے کے حوالے سے اپنی رائیں سامنے لا سکیں۔
انہوں نے سیاسی مشیروں کے لئے اس ضرورت پر بھی زور دیا کہ وہ تعلیم، سائنس اور ٹیکنالوجی کی مربوط ترقی، باصلاحیت افراد کی تربیت اور ایک قومی سٹریٹجک ٹیلنٹ پول کی تعمیر جیسے کلیدی مسائل پر گہری تحقیق اور مشاورت کریں۔
اجلاس میں 14ویں سی پی پی سی سی کی قومی کمیٹی کی قائمہ کمیٹی کے 18ویں اجلاس کے ایجنڈے کے مسودے اور شیڈول پر بحث کرکے منظوری دی گئی، یہ اجلاس اگست کے آخر میں بیجنگ میں منعقد ہوگا۔