بیجنگ (شِنہوا) چین کی کابینہ، ریاستی کونسل کے ماتحت 33 محکموں اور اداروں سے تعلق رکھنے والے 37 سینئر عہدیداروں نے ایک تقریب میں عوامی جمہوریہ چین کے آئین سے وفاداری کا حلف اٹھایا۔
حلف برداری کی تقریب کی نگرانی چینی وزیراعظم لی چھیانگ نے کی اور اس موقع پر خطاب بھی کیا۔
لی چھیانگ نے کہا کہ چونکہ ان عہدیداروں نے نئی قیادت کی ذمہ داریاں اور نئے فرائض سنبھالے ہیں اس لئے انہیں اعلیٰ معیار کے مطابق زیادہ سیاسی وابستگی، اعلیٰ پیشہ ورانہ صلاحیت اور سخت نظم و ضبط کا مظاہرہ کرنا چاہیے۔
انہوں نے زور دیا کہ حکام کو قانون کی حکمرانی کو برقرار رکھنے اور آئین کے وقار و اختیار کے تحفظ میں پیش پیش رہنا چاہیے جبکہ سیاسی دیانتداری برقرار رکھنے کے لئے ہمیشہ چوکس اور خود احتسابی کا پابند رہنا چاہیے۔
لی چھیانگ نے پارٹی کی جاری مہم، جس کا مقصد کارکردگی کے درست تصور کو فروغ دینا ہے، کا حوالہ دیتے ہوئے کہا کہ عہدیداروں کو عملی اور ٹھوس نتائج کو اپنا رہنما بنانا چاہیے، تمام امور کو مکمل دیانت اور باریک بینی سے انجام دینا چاہیے اور گہرے تضادات اور پیچیدہ مسائل کو مستقل مزاجی اور مسلسل کوششوں کے ذریعے حل کرنا چاہیے تاکہ واضح اور حقیقی نتائج حاصل کئے جا سکیں۔