بیجنگ (شِنہوا) چین کی وزارت تجارت نے ان امریکی پابندیوں کو تسلیم کرنے، نافذ کرنے یا تعمیل روکنے کے احکامات جاری کر دیئے ہیں جو ایران کے ساتھ تیل کے مبینہ لین دین میں ملوث ہونے کے الزام کے تحت پانچ چینی کمپنیوں کے خلاف عائد کی گئی تھیں۔
ان پانچ کمپنیوں میں ہینگلی پیٹروکیمیکل (دالیان) ریفائننگ کمپنی لمیٹڈ، شان ڈونگ شو گوانگ لوچھنگ پیٹروکیمیکل کمپنی لمیٹڈ، شان ڈونگ جن چھینگ پیٹروکیمیکل گروپ کمپنی لمیٹڈ، ہیبے شن ہائی کیمیکل گروپ کمپنی لمیٹڈ اور شان ڈونگ شینگ شنگ کیمیکل کمپنی لمیٹڈ شامل۔
وزارت تجارت کے مطابق امریکی اقدامات میں ان کمپنیوں کو خصوصی نامزد شہریوں کی فہرست میں شامل کرنا، ان کے اثاثے منجمد کرنا اور ان کے ساتھ لین دین پر پابندی شامل ہے۔
وزارت کے ترجمان نے کہا کہ 2025 سے امریکہ نے اپنے ایگزیکٹو احکامات، جو دیگر ممالک کو بھی نشانہ بناتے ہیں، کے تحت ان چینی کمپنیوں پر ایران کے ساتھ مبینہ تیل کے لین دین کے الزام میں پابندیاں عائد کی ہیں۔
ترجمان کے مطابق یہ امریکی اقدامات غیر قانونی طور پر چینی کمپنیوں اور تیسرے ممالک کے درمیان معمول کی اقتصادی و تجارتی سرگرمیوں کو روکنے یا محدود کرنے کی کوشش ہیں، جو بین الاقوامی قانون اور بین الاقوامی تعلقات کے بنیادی اصولوں کی خلاف ورزی ہے۔
ترجمان نے اس بات کا اعادہ کیا کہ چینی حکومت ہمیشہ ایسی یکطرفہ پابندیوں کی مخالفت کرتی ہے جو اقوام متحدہ کی منظوری یا بین الاقوامی قانون کی بنیاد کے بغیر لگائی جائیں۔
وزارت نے کہا کہ وہ غیر ملکی قوانین اور اقدامات کے غیر مناسب بین الاقوامی اطلاق پر قریبی نظر رکھے گی اور اگر ایسی صورتحال سامنے آئی تو قانون کے مطابق مزید اقدامات کئے جائیں گے۔