برلن (نیشنل ٹائمز) جرمن چانسلر فریڈرک مرز نے کہا ہے کہ ایران کے ساتھ تنازع میں امریکا کو سبکی کا سامنا ہے، ایرانی توقع سے زیادہ مضبوط ثابت ہوئے۔اس حوالے سے اپنے ایک بیان میں انہوں نے کہا کہ ایران جنگ کے ساتھ جو کچھ ہونا شروع ہوا اس کا شبہ مجھے پہلے دن سے تھا، امریکیوں کے پاس مذاکرات کی کوئی واضح حکمتِ عملی نہیں۔جرمن چانسلر کا کہنا ہے کہ امریکی صدر ٹرمپ کے ساتھ تعلقات اب بھی اچھے ہیں، مشرقِ وسطی کی جنگ ختم ہوتی نظر نہیں آ رہی۔دوسری جانب امریکی صدر ڈونلڈ ٹرمپ نے ہدایت کی ہے کہ ایران کی معیشت اور تیل کی برآمدات پر دباو جاری رکھا جائے۔انہوں نے ہدایت کی ہے کہ ایرانی بندرگاہوں سے آنے جانے والی شپنگ کو روکا جائے، بمباری شروع کرنا یا تنازع سے باہر نکلنا ناکہ بندی برقرار رکھنے کے مقابلے میں زیادہ خطرناک ہے۔