واشنگٹن (نیشنل ٹائمز) امریکی سینٹرل کمانڈ (سینٹکام) نے کہا ہے کہ امریکی ناکہ بندی کے باعث ایرانی بندرگاہ چاہ بہار پر ایرانی جہاز پھنس کر رہ گئے۔

سینٹکام کے مطابق امریکی ناکہ بندی سے قبل ایران کی بندرگاہ چاہ بہار پر روزانہ اوسطاً 5 جہاز لنگر انداز ہوتے تھے تاہم جاری ناکہ بندی کے دوران اب 20 سے زائد جہاز وہاں موجود ہیں۔

’’جیو نیوز ‘‘ کے مطابق بیان میں کہا گیا ہے کہ امریکی افواج نے ایران آنے اور جانے والی معاشی سرگرمیوں کو محدود کر دیا ہے، جس کے باعث بحری تجارت متاثر ہو رہی ہے اور جہاز بندرگاہوں پر رکے ہوئے ہیں۔امریکی حکام کے مطابق یہ اقدامات ایران پر اقتصادی دباؤ بڑھانے کے لیے کیے جا رہے ہیں، جبکہ خطے میں تجارتی سرگرمیوں اور سمندری راستوں کی صورتحال بھی متاثر ہو رہی ہے۔