بیجنگ (شِنہوا)چین کے مشرقی صوبے ژے جیانگ کے شہر شاؤشنگ میں ایک بڑے مائع ایندھن والے کیریئر راکٹ لی جیان-2 کی تیاری کے لئے “سپر فیکٹری” مکمل طور پر تیار کر لی گئی جو اس لانچ وہیکل کی بڑے پیمانے پر پیداوار کے مرحلے کی جانب ایک اہم پیش رفت ہے۔
چائنہ میڈیا گروپ نے بتایا کہ یہ سہولت جو فائنل اسمبلنگ، ٹیسٹنگ اور بنیادی پرزہ جات کی پروسیسنگ کو یکجا کرتی ہے، راکٹ کے اہم حصوں جیسے ایندھن کے ٹینک، پائپ لائن والوز، انٹر سٹیج سیکشنز اور کنڈوٹس کی پیداوار کے لئے مخصوص شعبوں پر مشتمل ہے۔ مکمل طور پر فعال ہونے کے بعد یہ فیکٹری سالانہ 12 لی جیان-2 راکٹ تیار کرنے کی صلاحیت کی حامل ہوگی۔
رپورٹ کے مطابق اس سہولت کی تکمیل چین کے تجارتی خلائی شعبے میں ایک بڑا سنگ میل سمجھی جا رہی ہے جو ٹیکنالوجی کی جانچ سے آگے بڑھ کر صنعتی پیمانے پر پیداوار کے دور میں داخلے کی علامت ہے۔
لی جیان-2 چین کا پہلا لانچ وہیکل ہے جس میں کامن بوسٹر کور (سی بی سی)کنفیگریشن استعمال کی گئی ہے، جو ایک ماڈیولر راکٹ ڈیزائن ہے جس میں مرکزی سٹیج اور سائیڈ بوسٹرز ساختی اور عملی طور پر ایک جیسے ہوتے ہیں۔