شی چھانگ (شِنہوا)جنوب مغربی چین نے صوبے سیچھوان میں شی چھانگ سیٹلائٹ لانچ سنٹر سے انٹرنیٹ ٹیکنالوجی کے تجرباتی سیٹلائٹس کا ایک نیا سیٹ کامیابی کے ساتھ خلا میں روانہ کر دیا۔
ان سیٹلائٹس کو بیجنگ کے وقت کے مطابق جمعہ کے روز دوپہر 2 بج کر 35 منٹ پر لانگ مارچ-2 ڈی کیریئر راکٹ کے ذریعے لانچ کیا گیا جو کہ کامیابی کے ساتھ اپنے مقررہ مداروں میں داخل ہو چکے ہیں۔
یہ سیٹلائٹس بنیادی طور پر ٹیکنالوجی کے تجربات اور تصدیق کے لئے استعمال کئے جائیں گے جن میں براہ راست سیٹلائٹ سے فون تک براڈبینڈ کنیکٹیویٹی اور خلا و زمین کے نیٹ ورک کا انضمام شامل ہے۔
جمعہ کے روز ہونے والی یہ لانچ لانگ مارچ سیریز کے کیریئر راکٹس کا 639 واں مشن تھا۔