بیجنگ (شِنہوا) مارچ 2026 کے دوران چین میں بجلی پیدا کرنے والے بڑے اداروں کی پیداوار میں گزشتہ سال کے اسی عرصے کے مقابلے میں 1.4 فیصد اضافہ ہوا ہے۔
قومی ادارہ شماریات (این بی ایس) کے جمعرات کو جاری ہونے والے اعداد و شمار کے مطابق گزشتہ ماہ ان کمپنیوں کی بجلی کی مجموعی پیداوار 802.5 ارب کلو واٹ آور تک پہنچ گئی۔
اعداد و شمار کی تفصیل سے پتہ چلتا ہے کہ مارچ میں پن بجلی کی پیداوار میں گزشتہ سال کی نسبت 10.8 فیصد اضافہ ہوا جو جنوری سے فروری کے دورانیے میں ہونے والی شرح نمو سے 4 فیصد زیادہ ہے۔
این بی ایس کےاعداد و شمارکے مطابق گزشتہ ماہ شمسی توانائی کی پیداوار میں گزشتہ سال کی نسبت 10 فیصد اضافہ ہوا جبکہ تھرمل بجلی کی پیداوار میں 4.2 فیصد اضافہ ریکارڈ کیا گیا۔
اس کے برعکس اعداد و شمار بتاتے ہیں کہ جوہری توانائی اور ہوا سے پیدا ہونے والی بجلی کی پیداوار میں بالترتیب 11.8 فیصد اور 17.3 فیصد کی کمی واقع ہوئی ہے۔
جنوری سے مارچ کے عرصے کے دوران ان اداروں کی مجموعی بجلی کی پیداوار تقریباً 23.8 کھرب کلو واٹ آور رہی جو گزشتہ سال کے اسی عرصے کے مقابلے میں 3.4 فیصد زیادہ ہے۔