لاہور(نیشنل ٹائمز) لاہور سمیت پنجاب بھر میں تعلیمی ادارے 21 روزہ تعطیلات کے بعد آج یکم اپریل سے دوبارہ کھل جائینگے ۔ تعلیمی سرگرمیاں فزیکل حاضری کے ساتھ بحال، سکولوں کے اوقات کار جاری کردئیے گئے ۔ صبح 8:45 پر آغاز، چھٹی 1:30 بجے ہوگی ۔اساتذہ کیلئے حاضری کا وقت 8:30 مقرر، چھٹی 2 بجے ہوگی۔کفایت شعاری مہم پر 10 مارچ سے تعلیمی ادارے بند کیے گئے تھے ۔ ہائر ایجوکیشن کمیشن نے بھی ملک بھر کی جامعات میں تعلیمی سرگرمیوں کی بحالی کی اجازت دیدی ہے ۔ایچ ای سی نے اس حوالے سے تمام جامعات کو مراسلہ جاری کر دیا ۔چیئرمین ایچ ای سی کے مطابق یکم اپریل سے جامعات میں تدریسی سرگرمیاں دوبارہ شروع کی جا سکتی ہیں۔واضح رہے کہ 10 مارچ کو کفایت شعاری مہم پرکلاسز کو آن لائن موڈ پر منتقل کر دیا گیا تھا۔