اسلام آباد (نیشنل ٹائمز) حکومت نے ملک میں غیر قانونی مقیم افغان شہریوں کے خلاف کارروائیوں کو مزید تیز کرنے کا فیصلہ کیا ہے۔
حکام کے مطابق دستاویزات نہ رکھنے والے افغان شہریوں کی مرحلہ وار واپسی اور غیر رجسٹرڈ افغانوں کے خلاف کریک ڈاؤن جاری رکھا جائے گا۔ افغان سٹیزن کارڈ رکھنے والوں کے مستقبل سے متعلق پالیسی کے تحت بھی اقدامات کیے جا رہے ہیں۔
افغان مہاجرین کی رجسٹریشن اور دستاویزات کی جانچ سخت کر دی گئی ہے جبکہ سرحدی علاقوں میں افغان شہریوں کی نقل و حرکت پر کڑی نگرانی کی جا رہی ہے۔ بارڈر مینجمنٹ کو مزید مضبوط کرنے اور غیر قانونی داخلے کی روک تھام کے لیے خصوصی اقدامات کیے گئے ہیں۔
سیکیورٹی اداروں کو افغان مہاجرین کی واپسی کے لیے ہدایات دی گئی ہیں اور متعلقہ اداروں کو یہ ہدایت بھی کی گئی ہے کہ افغان شہریوں کے ڈیٹا پر مبنی تازہ فہرست تیار کی جائے۔
