برسلز (شِنہوا) یورپی کمیشن نے کہا ہے کہ وہ یورپی یونین-امریکہ تجارتی معاہدے کی کسی بھی خلاف ورزی کا ‘‘سخت اور متناسب‘‘ جواب دے گا۔ یہ بیان اس وقت سامنے آیا ہے جب واشنگٹن نے یورپی یونین سمیت 16 معاشی اداروں کے متعلق سیکشن301 تحقیقات کا آغاز کیا ہے۔
یورپی کمیشن کے نائب چیف ترجمان اولوف گل نے پریس بریفنگ میں بتایا کہ کمیشن امریکی تحقیقات کی تفصیلات کا بغور جائزہ لے گا اور اس بات کو یقینی بنائے گا کہ یورپی یونین کے مفادات کا مکمل تحفظ ہو۔
انہوں نے کہا کہ کمیشن واشنگٹن سے مزید وضاحت طلب کرے گا کہ سیکشن 301 تحقیقات کس طرح یورپی یونین-امریکہ مشترکہ اعلامیے کے تحت طے کئے گئے فریم ورک کے ساتھ ہم آہنگ ہوں گی۔
ترجمان نے کہا کہ کمیشن مشترکہ اعلامیے کے تحت کئے گئے وعدوں کی کسی بھی خلاف ورزی کا سخت اور متناسب جواب دے گا۔