بیجنگ (شِنہوا) چین کی وزارت خارجہ کے ترجمان نے کہا ہے کہ چین ایران کے معاملے پر تنازع میں براہ راست شامل فریقوں سمیت تمام متعلقہ ممالک کے ساتھ رابطے مضبوط بنانا جاری رکھے گا اور کشیدگی کم کرنے اور امن کی بحالی میں تعمیری کردار ادا کرے گا۔
ترجمان گو جیاکن نے معمول کی پریس بریفنگ کے دوران بتایا کہ تنازع کے آغاز سے ہی چین نے جنگ بندی، بات چیت اور مذاکرات پر واپسی کا مطالبہ کیا ہے اور سیاسی حل پر سختی سے کاربند رہا ہے۔ انہوں نے مزید کہا کہ مشرق وسطیٰ کے معاملے پر چینی حکومت کے خصوصی ایلچی اس وقت خطے کے مختلف ممالک کے سفارتی دورے کر رہے ہیں۔
انہوں نے کہا کہ اقوام متحدہ کی سلامتی کونسل کے مستقل رکن اور مشرق وسطیٰ کے ممالک کے ایک مخلص دوست کی حیثیت سے چین امن کی کوششوں کو آگے بڑھانے اور بغیر کسی وقفے کے حق اور انصاف کی آواز بلند کرنا جاری رکھے گا۔