بیجنگ (شِنہوا) چین کی اعلیٰ عوامی عدالت نے پیر کے روز پیش کردہ اپنی کارکردگی رپورٹ میں کہا ہے کہ چینی عدالتوں نے 2025 میں بدعنوانی اور رشوت سے متعلقہ جرائم کے 36 ہزار مقدمات نمٹائے، یہ شرح گزشتہ سال کے مقابلے میں 22.4 فیصد زیادہ ہے۔
قومی مقننہ کے جاری اجلاس میں غور وخوض کے لئے پیش کی جانے والی رپورٹ کے مطابق 2025 میں چینی عدالتوں نے بیرون ملک فرار ہونے والے بدعنوان حکام کو تلاش کرکے انہیں پکڑنے کی مربوط کوششیں کیں اور سرحد پار انسداد بدعنوانی نظم ونسق کو مستحکم بنایا۔ اس مدت کے دوران 18.14 ارب یوآن (تقریباً 2.63 ارب امریکی ڈالر) کی غیرقانونی رقم ضبط کی گئی۔
اعلیٰ عوامی استغاثہ کی اسی روز جائزے کے لئے پیش کی جانے والی کارکردگی رپورٹ میں کہا گیا کہ سال 2025 میں استغاثہ کے اداروں نے فرائض سے متعلقہ جرائم میں ملوث افراد کے خلاف 30 ہزار 500 مقدمات دائر کئے اور 29 ہزار افراد کے خلاف کارروائیاں کی گئیں۔یہ شرح گزشتہ سال کے مقابلے میں بالترتیب 10.8 فیصد اور 20.5 فیصد زیادہ ہے۔
رپورٹ کے مطابق کلیدی شعبوں میں بدعنوانی کے خاتمے کے لئے استغاثہ کے اداروں نے مالیاتی شعبے، سرکاری ملکیتی کمپنیوں اور توانائی کے شعبے میں فرائض سے متعلقہ جرائم پر 9 ہزار 174 افراد کے خلاف قانونی کارروائیاں کیں۔