واشنگٹن(نیشنل ٹائمز) امریکی صدر نے ایران سے غیر مشروط ہتھیار ڈالنے کا مطالبہ کردیا۔
امریکی صدر ڈونلڈ ٹرمپ کہتے ہیں کہ تہران کے ساتھ کوئی معاہدہ نہیں ہوگا، قابل قبول رہنما کا انتخاب ہونے کے بعد امریکا اور اتحادی ایران کی ہر ممکن مدد کریں گے، خامنہ ای کا بیٹا مجتبیٰ خامنہ ای ناقابل قبول ہے۔واضح رہے کہ صدر ٹرمپ نے ایران میں زمینی فوج اتارنے کا امکان بھی مسترد کردیا ہے، امریکی میڈیا کو انٹرویو میں کہا کہ امریکی زمینی فوج بھیجنا وقت کا ضیاع ہوگا، ایران نے بحریہ سمیت سب کچھ کھو دیا، ایران میں اینٹی ایئر کرافٹ سسٹم بھی تباہ کردیا۔ان کا کہنا تھا کہ ایران کی میزائل اور دفاعی صلاحیت ختم کردیں گے، ایران نے ڈیل کیلئے کال کی، ہم نے کہا بہت دیر ہوگئی، ایران کے بعد اگلا ہدف کیوبا ہوگا۔