بیجنگ (شِنہوا) چین نے غیر ملکی میڈیا کی اس رپورٹ کو مسترد کر دیا جس میں دعویٰ کیا گیا تھا کہ ایران، چین سے سی ایم-302 سپرسونک اینٹی شپ میزائل خریدنے کے معاہدے کے قریب ہے۔ ساتھ ہی متعلقہ فریقوں پر زور دیا کہ وہ کشیدہ صورتحال کو کم کرنے کے لئے سازگار لائحہ عمل اختیار کریں۔
وزارت خارجہ کی ترجمان ماؤ ننگ نے یہ بات معمول کی پریس کانفرنس میں اس رپورٹ کی تصدیق سے متعلق سوال کے جواب میں کہی۔ رپورٹ میں دعویٰ کیا گیا تھا کہ یہ میزائل حالیہ برسوں میں چین کی جانب سے ایران کو منتقل کئے جانے والے جدید ترین فوجی سازوسامان میں شامل ہوں گے۔
ماؤ نے کہا کہ یہ رپورٹ درست نہیں ہے۔ انہوں نے زور دیتے ہوئے کہا کہ ایک ذمہ دار بڑی طاقت کے طور پر چین ہمیشہ اپنی بین الاقوامی ذمہ داریوں کی پاسداری کرتا ہے۔
انہوں نے کہا کہ چین بدنیتی پر مبنی گٹھ جوڑ اور غلط معلومات کے پھیلاؤ کی مخالفت کرتا ہے اور امید کرتا ہے کہ متعلقہ فریق کشیدہ صورتحال میں کمی لانے کے لئے مناسب اقدامات کا انتخاب کریں گے۔