بیجنگ (شِنہوا) چین میں ایک کتاب شائع کی گئی ہے جس میں بتایا گیا ہے کہ کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکرٹری شی جن پھنگ کی قیادت میں پارٹی نے غربت کے خلاف جنگ میں کس طرح کامیابی حاصل کی۔
یہ کتاب حال ہی میں سی پی سی کی مرکزی کمیٹی کے پارٹی سکول (نیشنل اکیڈمی آف گورننس) کے پبلشنگ ہاؤس سے شائع ہوئی ہے اور اسے ملک بھر میں تقسیم کیا گیا ہے۔
کتاب میں غربت کے خلاف جدوجہد کے نمایاں واقعات اور لوگوں کو پیش کیا گیا ہے۔ یہ بتاتی ہے کہ کس طرح کامریڈ شی جن پھنگ کی قیادت میں سی پی سی کی مرکزی کمیٹی نے پوری پارٹی اور تمام قومیتوں کے لوگوں کی رہنمائی کی تاکہ مطلق غربت ختم کی جا سکے۔ کتاب میں اس مہم میں حاصل ہونے والی تاریخی کامیابیوں کو بھرپور انداز میں اجاگر کیا گیا ہے۔