بیجنگ (شِنہوا) چین میں شہری ہوا بازی کے شعبے نے 2026 کے بہار تہوار کی تعطیلات کے دوران 2 کروڑ 20 لاکھ 50 ہزار سفری دورے ریکارڈ کئے جو 2025 کے اسی عرصے کے مقابلے میں 7.7 فیصد زیادہ ہیں۔
چین کی شہری ہوا بازی انتظامیہ (سی اے اے سی) کے مطابق پیر کو ختم ہونے والی تعطیلات کے دوران یومیہ اوسطاً 18 ہزار 956 پروازیں چلائی گئیں جو گزشتہ سال کے مقابلے میں 4.4 فیصد زائد ہیں۔
چینی نیا سال کہلانے والا بہار تہوار اس سال 17 فروری کو منایا گیا۔ یہ تہوار خاندانی ملاپ اور سفر کے لئے ایک اہم موقع فراہم کرتا ہے۔ 2026 کی تعطیلات ریکارڈ 9 دنوں پر مشتمل تھیں جس کے باعث عروج کے عرصے میں ٹرانسپورٹ کی طلب میں مزید اضافہ ہوا۔
وزارت ٹرانسپورٹ کے اعداد و شمار کے مطابق تعطیلات کے دوران چین بھر میں 2.8 ارب سے زائد مسافر دورے ریکارڈ کئے گئے۔