واشنگٹن (شِنہوا) وائٹ ہاؤس نے امریکہ-ایران جوہری مذاکرات کے لئے کسی حتمی تاریخ کا تعین کرنے سے انکار کرتے ہوئے کہا ہے کہ توقع ہے کہ تہران چند ہفتوں کے اندر اپنی مذاکراتی پوزیشن کی مزید تفصیلات پیش کرے گا۔
وائٹ ہاؤس کی پریس سیکرٹری کیرولین لیوٹ نے روزانہ کی بریفنگ میں کہا کہ سفارتکاری ہمیشہ صدر ٹرمپ کا پہلا انتخاب ہے۔
تاہم انہوں نے کہا کہ ایران کے خلاف کسی حملے کے لئے بہت سی وجوہات اور دلائل موجود ہیں۔
لیوٹ نے واشنگٹن اور تہران کے درمیان مذاکرات کے لئے آخری تاریخ مقرر کرنے سے انکار کرتے ہوئے کہا کہ وہ امریکی صدر کی جانب سے کسی حتمی تاریخ کا تعین نہیں کریں گی۔
امریکی نائب صدر جے ڈی وینس نے کہا کہ مذاکرات میں کچھ مثبت اشارے ملے ہیں لیکن امریکی ریڈ لائنز ابھی تک پوری نہیں ہوئیں۔
ایکسیوس کی رپورٹ کے مطابق ٹرمپ کے ایک مشیر نے کہا ہے کہ وائٹ ہاؤس ممکنہ فوجی کارروائیوں کی جانب جا رہا ہے اور اگر مذاکرات کی ناکامی پر چند ہفتوں کے اندر حملوں کے “90 فیصد امکانات” کا اندازہ لگایا جا رہا ہے۔