بیجنگ (شِنہوا)چین کی وزارت ہنگامی انتظام نے جمعرات کے روز بتایا ہے کہ مرکزی بجٹ سے 4.44 ارب یوآن (تقریباً 63 کروڑ 90 لاکھ امریکی ڈالر) کے ریلیف فنڈز کی تقسیم مکمل کر دی گئی ہے جس سے 2 کروڑ 60 لاکھ 10 ہزار افراد مستفید ہوئے ہیں۔
وزارت کے مطابق یہ فنڈز مقامی حکومتوں کی مدد کے لئے مختص کئے گئے ہیں تاکہ وہ قدرتی آفات کے بعد کی بحالی کے اقدامات کو آگے بڑھائیں اور سردیوں اور موسم بہار کے دوران متاثرہ افراد کو مناسب معاونت فراہم کریں۔
وزارت نے مقامی حکام کو ریلیف کے اقدامات بہتر طریقے سے نافذ کرنے، فنڈز کی درست تقسیم کو یقینی بنانے اور متاثرہ گروپوں کی ضروریات پر توجہ مرکوز کرنے کے لئے رہنمائی بھی فراہم کی ہے۔