اسلام آباد(نیشنل ٹائمز) وزیراعظم شہباز شریف کی صدر آصف علی زرداری سے ایوان صدر میں ملاقات ہوئی۔ملاقات کے دوران پیپلز پارٹی اور مسلم لیگ ن کے درمیان ورکنگ ریلیشن شپ کو بہتربنانے اور مشاورتی عمل جاری رکھنے پر اتفاق کیا گیا۔ذرائع کے مطابق ملاقات میں دونوں جماعتوں کے مرکزی رہنما بھی موجود تھے، ملاقات میں ملک کی مجموعی سیاسی، معاشی اور سلامتی کی صورتحال پر تبادلہ خیال کیا گیا۔ملاقات کے دوران دونوں رہنماؤں نے اہم قومی اور داخلی سلامتی کے امور پر بھی بات چیت کی، آزاد کشمیر کے نئے صدر کے انتخاب پر بھی مشاورت ہوئی۔اس موقع پر دونوں رہنماؤں نے غزہ امن بورڈ اور پاکستان کے نقط نظر پر بھی تبادلہ خیال کیا۔