اسلام آباد(نیوز ڈیسک)امریکی اداکارہ و گلوکارہ سلینا گومز نے اپنے کیریئر اور مستقبل کے حوالے سے بات کر کے مداحوں کو تشویش میں مبتلا کردیا۔28 سالہ سلینا گومز نے اپنے گلوکاری کے مستقبل کی طرف اشارہ کرتے ہوئے کہا ہے کہ وہ اس حوالے سے آخری کوشش کرنا چاہتی ہیں۔ انہیں لگتا ہے لوگ انہیں سنجیدہ نہیں لیتے۔ایک گفتگو کے دوران سلینا گومز نے کہا کہ جب لوگ آپ کو سنجیدگی سے نہ لے رہے ہوں تو گلوکاری کرتے رہنا مشکل ہوتا ہے۔ مجھے لگتا ہے کہ بہت سے لوگ ہیں جو میرے میوزک کو پسند کرتے ہیں اور اس کے لئے میں انکی شکرگزار ہوں۔نوجوان امریکی گلوکارہ سلینا گومز نے مزید کہا کہ اگلی مرتبہ جو البم میں کروں گی وہ مختلف ہوگی۔ میں ریٹائرمنٹ سے پہلے ایک آخری کوشش کرنا چاہتی ہوں۔دوسری جانب حالیہ دنوں میں سلینا گومز کی توجہ ٹی وی اور فلموں کی طرف بھی دیکھی جا رہی ہے۔ وہ نئی مزاحیہ سیریز میں بھی اداکاری کرتی نظر آئیں گی۔ اس کے علاوہ بھی مستقبل میں وہ ٹی وی اور فلموں میں کام کریں گی۔