شکارپور(نیشنل ٹائمز) اندرون سندھ کے علاقے شکار پور میں ٹرین کے گزرنے کے بعد ریلوے ٹریک پر دھماکہ ہوا ہے۔
واقعہ ہمایوں کے قریب ہوا، دھماکے سے ریلوے ٹریک کو جزوی نقصان پہنچا، پولیس اور بم ڈسپوزل سکواڈ کی ٹیمیں موقع پر پہنچ گئیں۔اطلاع ملتے ہی ایس ایس پی شاہزیب چاچڑ موقع پر پہنچ گئے،اُن کا کہنا تھا کہ دھماکے کے باوجود ٹرین کی پٹڑی محفوظ ہے،اور ریلوے ٹریک معمول کے مطابق کھلا ہوا ہے۔شاہزیب چاچڑ کا مزید کہنا تھا کہ ابتدائی اطلاعات کے مطابق دھماکے کی شدت کم تھی، ممکنہ خطرے کے باعث علاقے میں سکیورٹی بڑھا دی گئی۔