سڈنی(نیشنل ٹائمز) آسٹریلیا میں سڈنی کے بونڈائی بیچ پر ہونے والے فائرنگ کے واقعے میں ہلاکتوں کی تعداد 16 ہوگئی۔
غیر ملکی خبر ایجنسی کے مطابق سڈنی کے بونڈائی بیچ پر 2 مسلح افراد نے شہریوں پر فائر کھول دیا، واقعے میں بچوں سمیت 40 افراد زخمی بھی ہوئے ہیں۔
آسٹریلیا میں جان پر کھیل کر حملہ آور کو پکڑنے والا مسلمان شخص ہیرو بن گیا
پولیس کی جوابی کارروائی میں فائرنگ کرنے والا ایک شخص مارا گیا جبکہ دوسرے حملہ آور کو زخمی حالت میں حراست میں لے لیا گیا، فائرنگ کرنے والے کی گاڑی سے دھماکا خیز مواد بھی برآمد کیا گیا۔
سڈنی میں حملہ آور کو روکنے والا شخص بہادر اور قابل احترام ہے، امریکی صدر
آسٹریلوی میڈیا کے مطابق سڈنی میں فائرنگ کا واقعہ یہودیوں کے تہوار کی تقریب کے دوران پیش آیا، ایک حملہ آور کی شناخت نوید اکرم کے نام سے ہوئی ہے جو سڈنی کا رہائشی ہے، فائرنگ کے بعد پولیس نے علاقے کو گھیرے میں لے لیا اور مقامی آبادی کو بونڈائی بیچ سے دور رہنے کی ہدایت کی ہے۔
سڈنی واقعے پر بھارت و افغانستان کا جھوٹا پروپیگنڈا، پاکستانی نوجوان کو حملہ آور قرار دیدیا
آسٹریلوی وزیراعظم انتھونی البانیز نے ساحل پر فائرنگ کے واقعے کو دہشت گردی قرار دیا، امریکی صدر سمیت دنیا بھر کے رہنماؤں نے واقعے کی مذمت کی ہے، آسٹریلیا کی مسلم کمیونٹی کا کہنا ہے کہ معاشرے میں ایسے پُرتشدد اور مجرمانہ اقدامات کی کوئی گنجائش نہیں۔ادھر اسرائیلی وزارت خارجہ نے واقعے میں اسرائیلی شہری کی ہلاکت کی تصدیق کی اور کہا کہ سڈنی فائرنگ واقعے میں ہلاک ہونے والوں میں اسرائیلی شہری بھی شامل ہے۔