اوسلو(نیشنل ٹائمز) وینزویلا کی امریکا نواز جمہوریت پسند رہنما ماریا کورینا کو نوبیل امن انعام مل گیا۔
اریا کورینا کی بیٹی اینا کورینا نے نوبیل انعام وصول کیا، نوبیل کمیٹی نے کہا ماریا کورینا کی جدوجہد آمریت کے خلاف جرات مندانہ مثال بنی، وینزویلا کی عوام کا کہنا ہے کہ ماریا کا امن انعام ملک میں نئی امید لایا ہے۔عوام کا مزید کہنا تھا کہ ماریا نے نوبیل انعام جیت کر دنیا بھر میں جمہوری تحریکوں کو حوصلہ دیا، عالمی برادری نے ماریا کورینا کو امن کا سفیر قرار دیا۔واضح رہے کہ ماریا کورینا نے نوبیل انعام امریکی صدر ٹرمپ اور وینزویلا کے عوام کے نام کرنے کا اعلان کیا تھا، ماریا کورینا نے کہا تھا کہ صدر ٹرمپ نے ہماری آزادی کی تحریک میں فیصلہ کن کردار ادا کیا، امریکی عوام اور ٹرمپ ہمارے سب سے بڑے اتحادی ہیں۔نوبیل انعام یافتہ ماریا کورینا کا کہنا تھا کہ وینزویلا کے عوام کی جدوجہد کا اعتراف ہماری آزادی کی جیت کی طرف قدم ہے، ماریا کورینا نے مزید کہا تھا کہ ہم فتح کے دہانے پر ہیں، آزادی کیلئے عالمی جمہوری اقوام ہماری حلیف ہیں۔یاد رہے کہ ماریا کورینا اسرائیل اور امریکا کو اپنے ہی ملک وینزویلا میں مسلح مداخلت کی دعوت دے چکی ہیں۔