راجھستان(نیشنل ٹائمز) بھارتی ریاست راجستھان کے ضلع سری گنگا نگر میں اندرا گاندھی کینال میں بھارتی فوج کا ٹینک نہر میں ڈوبنے سے ایک سپاہی ہلاک ہوگیا۔پولیس کے مطابق واقعہ گزشتہ روز صبح معمول کی فوجی مشق کے دوران پیش آیا، ٹینک میں دو فوجی موجود تھے جن میں سے ایک کسی طرح باہر نکلنے میں کامیاب ہوگیا، جب کہ دوسرا اندر ہی پھنس کر جان سے ہاتھ دھو بیٹھا۔پولیس کا کہنا تھا کہ ہلاک فوجی کی لاش کو کئی گھنٹوں کی کارروائی کے بعد باہر نکالا گیا، مشق کے دوران بکتر بند گاڑیاں اور ٹینک نہر عبور کرنے کی مشق کررہے تھے کہ ایک ٹینک درمیان میں پھنس کر ڈوبنے لگا۔اطلاع ملتے ہی پولیس، اسٹیٹ ڈیزاسٹر ریسپانس فورس اور سول ڈیفنس کی ٹیمیں موقع پر پہنچیں اور کئی گھنٹے کی کوشش کے بعد لاش کو نکالنے میں کامیاب ہوئیں۔
فوجی مشقوں کے دوران بھارتی ٹینک نہر میں ڈوبنے سے ایک اہلکار ہلاک
