ٹوکیو(شِنہوا)جاپانی وزیراعظم سنائی تاکائیچی کے تائیوان کے متعلق غلط بیانات اور ان پر ندامت کا اظہار نہ کرنے کے خلاف جاپانی شہریوں نے ایک اور بڑا احتجاجی مظاہرہ کیا۔ مظاہرین نے تاکائیچی سے اپنے بیانات واپس لینے کا مطالبہ کیا۔
21 اور 25 نومبر کے احتجاجی مظاہروں کے بعد ایک مرتبہ پھر سیکڑوں مظاہرین وزیراعظم کی سرکاری رہائش گاہ کے باہر جمع ہوئے۔ مظاہرین نے ’’تاکائیچی استعفیٰ دو‘‘ اور ’’کبھی تاریخ کو فراموش نہ کرو،کبھی وہی غلطی نہ دوہراؤ‘‘ کے نعروں پر مشتمل کتبے اٹھا رکھے تھے۔ انہوں نے مطالبہ کیا کہ وزیراعظم اپنے بیانات سے دستبرداری اختیار کریں۔
مظاہرین میں شامل ایک شخص ٹوموکو نے شِنہوا سے گفتگو کرتے ہوئے کہا کہ فی الحال جاپان اور چین کے تعلقات سرد پڑ چکے ہیں۔ آپ جس طرح بھی دیکھیں یہ سب تاکائیچی کے بیانات کی وجہ سے ہے۔
مظاہرہ کرنے والے ایک اور شخص ساکا ماکی نے کہا کہ جاپان اور چین کے تعلقات بگڑ رہے ہیں اور صورت حال مزید خراب ہونے سے بچانے کے لئے تاکائیچی کو اپنے غلط بیانات واپس لینے چاہئیں۔
ایک شخص ریو، جس نےہاتھ میں ایک کارٹون تھامے ہوئے تھا جس پر تاکائیچی کو ’عسکریت کے بھوت‘ سے ہاتھ ملاتے ہوئے دکھایا گیا ہے، نے شدید تشویش کا اظہا ر کیا کہ جاپان کہیں عسکریت پسند ملک نہ بن جائے۔