نیویارک(نیشنل ٹائمز)انسانی حقوق کے عالمی ادارے ہیومین رائٹس واچ نے کہا ہے کہ اسرائیل ہزاروں فلسطینیوں کو بے گھر کر کے کیمپوں کی طرف دھکیل رہا ہے۔عرب میڈیا کے مطابق ہیومین رائٹس واچ نے بتایا ہے کہ اسرائیل 32 ہزار فلسطینیوں کو جنین، نورشمس اور تلکرم کے پناہ گزین کیمپس میں دھکیل رہا ہے، مغربی کنارے سے فلسطینیوں کو بے گھر کرنے کا یہ سلسلہ 1967ء کے بعد سب سے بڑی مہم جوئی کا حصہ ہے۔قبل ازیں مغربی کنارے میں اسرائیلی فورسز اکتوبر 2023ء سے لے کر اب تک 1 ہزار سے زائد فلسطینیوں کو شہید کرچکی ہیں، اقوام متحدہ نے گزشتہ ماہ اپنی رپورٹ میں بھی تصدیق کی تھی کہ اسرائیلی حکومت نے 1 ہزار سے زائد فلسطنیوں کے گھر مسمار کرکے ان کو بے گھر کیا تھا۔