نئی دہلی(نیشنل ٹائمز) بھارتی سیاسی و عسکری قیادت کے کھوکھلے دعوے، فضائی ناکامی سے زمین بوس ہو گئے، پاکستانی فضائی حدود کی بندش سے ائیر انڈیا کو 4 ہزارکروڑ بھارتی روپے کا نقصان ہونےکا انکشاف ہوا ہے۔بھارتی ڈھکوسلے اور غرور کے برعکس پاکستان کی فضائی حدود کی بندش نے ایئر انڈیا کے چھکے چھڑا دیئے، آپریشن سندور میں ہونے والی تاریخی ہزیمت، بھاری مالی نقصان اور فضائی ناکامی سے بھارتی قیادت بوکھلاہٹ کا شکار ہو گئی۔معرکہ حق میں پاکستان کی شاندار حکمتِ عملی نے بھارت کو نہ صرف عسکری میدان بلکہ معاشی محاذ پر بھی گھٹنے ٹیکنے پر مجبور کیا، فضائی راستوں کی بندش سے 4,000 کروڑ سے زائد کے نقصانات کے باجود افغانستان کیساتھ فضائی راستوں سے تجارت مضحکہ خیز ہے۔بھارتی عسکری قیادت کی’’ ٹریلر والی گیدڑ بھبکیاں‘‘ اس کی ناکامی کا اعتراف ہے، دوسری طرف ایئر انڈیا کا اپنی حکومت سے کروڑوں روپے میں سبسڈی کا مطالبہ اصل میں بھارت کی ناکام پالیسیوں کا منہ بولتا ثبوت ہے۔بھارتی میڈیا “ریپبلک نیوز” نے معرکہ حق میں ہزیمت اورپاکستان کے ہاتھوں 4 ہزار کروڑ روپے کے نقصانات کا اعتراف کیا، اسی لئے ایئر انڈیا نے پاکستان کی فضائی حدود کی بندش سے ہونیوالے نقصانات کی مد میں 4 ہزار کروڑ روپے کا بھارتی حکومت سے مطالبہ کر دیا۔بھارتی نیوز چینل کے مطابق ایئر انڈیا نے بھاری نقصان سے بچنے کیلئے چین کی فضائی حدود استعمال کرنے کیلئے حکومت سے رجوع کیا ہے، آپریشن سندور میں پاکستانی فضائی حدود کی بندش نے بھارتی ایئرلائن کو طویل راستے اختیار کرنے پر مجبور کیا۔واضح رہے کہ بھارتی سیاسی و عسکری قیادت ہر محاذ پر پاکستان سے عبرتناک شکست کے بعد شدید بوکھلاہٹ کا شکار ہو چکی ہے۔