اسلام آباد(نیشنل ٹائمز) وفاقی وزیر پارلیمانی امور اور وفاقی مذاکراتی کمیٹی کے اہم رکن طارق فضل چودھری کہتے ہیں کہ وزیراعظم آزاد جموں و کشمیر کو فوری ہٹانے یا استعفے کا فیصلہ نہیں ہوا۔
طارق فضل چودھری نے کہا کہ وزیراعظم آزاد جموں و کشمیر کے خلاف تحریک عدم اعتماد کا اجلاس میں کوئی تذکرہ نہیں ہوا، وزیراعظم آزاد جموں و کشمیر کے استعفے یا ان کو ہٹائے جانے کی خبروں میں کوئی صداقت نہیں۔ان کا مزید کہنا تھا کہ مسلم لیگ ن اور پاکستان پیپلز پارٹی کا اتحاد برقرار رہے گا، وزارتیں نہ لینے کے باوجود پیپلز پارٹی کا تعاون ان کی جمہوریت پسندی ہے۔