پشاور(نیشنل ٹائمز) پاکستان تحریک انصاف کے چیئرمین بیرسٹر گوہر علی خان نے کہا کہ علی امین گنڈا پور ہی ہمارے وزیراعلیٰ ہیں، افواہیں پارٹی تقسیم کرنے کی سازش ہیں۔
بیرسٹر گوہر علی کا کہنا تھا کہ علی امین گنڈاپور کے حوالے سے کوئی فیصلہ نہیں ہوا، جھوٹی اور من گھڑت خبریں پھیلا کر پارٹی کو کمزور کرنے کی کوشش کی جا رہی ہے، ہم اس کی سختی سے مخالفت کرتے ہیں۔چیئرمین پی ٹی آئی نے کہا کہ ایسی بکھیرنے والی سازشوں کا مقصد داخلی انتشار پیدا کرنا ہے، ہم ہر قسم کے حالات میں متحد رہیں گے۔بیرسٹر گوہر علی خان کا کہنا تھا کہ علی امین گنڈاپور ہی ہمارے وزیراعلیٰ ہیں، ان کے خلاف پھیلائی جانے والی افواہیں قطعی طور پر بے بنیاد ہیں۔انہوں نے کہا کہ پارٹی کو تقسیم کرنے والی ہر کوشش کا ڈٹ کر اور موثر جواب دیا جائے گا، ہم ان سازشوں کو ناکام بنائیں گے۔چیئرمین پی ٹی آئی کا کہنا تھا کہ سچائی اور تنظیمی یکجہتی کے دفاع کے لیے ہم ہر فورم پر اپنا موقف واضح کریں گے، انتشار پھیلانے والوں کو کامیاب نہیں ہونے دیا جائے گا۔