پونچھ(نیشنل ٹائمز) ڈی آئی جی پونچھ کی احتجاج میں شہید اہلکاروں کی رہائشگاہ آمد ہوئی۔
سردار ظہیر نے شہید اہلکاروں کے اہلخانہ سے تعزیت کی اور کہا کہ ہمارے بھائیوں کو ظالمانہ طریقے سے ہم سے چھینا گیا، ہمارے بھائیوں کو شہید اور سیکڑوں کو زخمی کیا گیا، آپ کہتے تھے آپ کی تحریک پرامن ہے، تعمیرو ترقی چاہتے ہیں۔ڈی آئی جی نے کہا کہ کیا یہ آپ کی پرامن تحریک ہے؟ کیا یہ آپ کا منشور ہے؟ آپ کو پولیس بیریئر توڑ کر فتح مل گئی تھی، یہ آپ کا کون سا تعمیرو ترقی کا ایجنڈ ا تھا، خدارا اپنے اندر کالی بھیڑوں کو پہچانیں، آپ کے اندر کے ساتھی آپ کو پرامن نہیں رہنے دیں گے۔انہوں نے کہا کہ وہ سارے لوگ اس تحریک کے قصور وار ہیں جو ہمارے بچوں کو اشتعال انگیز تقاریر کرکے جتھوں کی صورت میں اکٹھا کرتے رہے۔