لاہور (نیشنل ٹائمز) پنجاب کے مختلف علاقوں میں گرج چمک اور تیز ہواؤں کے ساتھ بارش ہوئی ہے۔
لاہور میں ڈیوس روڈ، گڑھی شاہو، سرکلر روڈ،مال روڈ، ائیرپورٹ، صدر، باغبان پورہ، ہربنس پورہ اور مغل پورہ کے علاقوں میں تیزبارش ہوئی۔گلشن راوی، ساندہ، سمن آباد، چوبرجی اور علامہ اقبال ٹاؤن میں بھی موسلادھار بارش ہوئی جس کی وجہ سے بجلی کی فراہمی معطل ہو گئی۔ اوکاڑہ ، ساہیوال ،قصور میں تیز آندھی کے ساتھ بارش ہوئی۔ اس کے علاوہ کمالیہ، ٹوبہ ٹیک سنگھ ، فیصل آباد سمیت پنجاب کے کئی علاقوں میں کہیں ہلکی کہیں تیز بارش ہوئی۔دوسری جانب استور کے بالائی علاقوں چلم شیر قلی سمیت دیگر میں موسم سرما کی پہلی برف باری ہوئی۔ محکمہ موسمیات کے مطابق آج ، اسلام آباد،پنجاب،خیبر پختونخوا، کشمیر اور گلگت بلتستان کے اکثر مقامات پر بارش کا امکان ہے ۔ اس دوران چند مقامات پر موسلادھار بارش اور ژالہ باری کی توقع ہے۔