کراچی (نیشنل ٹائمز)بچوں سے زیادتی کرنے والے ملزم کو احاطہ عدالت میں متاثرہ بچی کی والدہ نے پیٹ دیا۔
کراچی کے علاقے قیوم آباد میں بچوں سے زیادتی کے کیس میں گرفتار ملزم کو پولیس نے اعترافی بیان ریکارڈ کرانے کے لیے جوڈیشل مجسٹریٹ جنوبی کی عدالت میں پیش کیا۔عدالتی ذرائع کے مطابق ملزم کا اعترافی بیان ریکارڈ کرنے والےجج کی طبعیت ناسازہوگئی جس پر عدالت نے ملزم کے اعترافی بیان کی سماعت میں وقفہ کردیا۔اسی دوران احاطہ عدالت میں متاثرہ بچی کی والدہ نے ملزم پر تشدد شروع کردیا اور وہاں آنے والے سائلین نے بھی ملزم کو تشدد کا نشانہ بنایا۔عدالت میں سائل کے تشدد سے ملزم کے کی حالت بگڑ گئی جس پر پولیس نے ملزم کو نامعلوم مقام پر منتقل کردیا۔
ویڈیو: کراچی میں بچیوں سے زیادتی کیس کے ملزم کو خاتون نے احاطہ عدالت میں پیٹ دیا
