وہاڑی (محمد یوسف بھٹی) ڈی جی وائلڈ لائف رینجر پنجاب مبین الٰہی کی ہدایات پر وائلڈ لائف رینجر ضلع وہاڑی کی ٹیم کی تین مختلف علاقوں میں کاروائیاں، پہلی کاروائی ہیڈ اسلام کے مقام پر اسسٹنٹ چیف وائلڈ لائف رینجر مہر کلیم سرفراز نے عملہ کے ساتھ کی ایک مسافر بس کی چیکنگ کے دوران ایک بند کریٹ سبز طوطوں کا برآمد کرکے سرکاری تحویل میں لیکر چڑیا گھر وہاڑی میں منتقل کردیا جبکہ نامعلوم ملزم کے خلاف وائلڈ لائف ایکٹ کے تحت قانونی کارروائی شروع کردی، دوسری کاروائی میں بٹیر کے غیر قانونی شکار میں ملوث افراد کے خلاف کاروائی کرتے ھوئے لگائے گئے تین جال اسپیکر اور بیڑیاں قبضہ میں لے لی گئیں، جبکہ تیسری کاروائی میں مخبر کی اطلاع پر رتہ ٹبہ کے قریب رضوان اللہ ولد محمد شمعون کو ائیرگن سے ناجائز شکار فاختہ کرتے ہوئے سینئر وائلڈ لائف رینجر رحمٰن اور سینئر وائلڈ لائف رینجر محمد جاوید نے ائیرگن سمیت گرفتار کرکے اس کو 20 ہزار روپے محکمانہ جرمانہ کیا، اس موقع پر اسسٹنٹ چیف وائلڈ لائف رینجر وہاڑی مہر کلیم سرفراز کا کہنا تھا کہ پرندوں کا غیر قانونی شکار اور غیر قانونی خریدو فروخت کرنے والوں کیخلاف خلاف بلا امتیاز کاروائیاں جاری رہیں گی۔