اسلام آباد (نیشنل ٹائمز) سینیٹ میں جادو ٹونے کی روک تھام کے لیے فوجداری قوانین میں ترمیم کا بل پیش کیا گیا ہے جس کے تحت کالا جادو کرنے والوں کے لیے سخت سزائیں تجویز کی گئی ہیں۔

سینیٹر ثمینہ ممتاز کی جانب سے پیش کیے گئے اس بل میں کہا گیا ہے کہ جو بھی شخص کالا جادو کرے یا اس کی تشہیر کرے، اسے 6 ماہ سے 7 سال تک قید کی سزا دی جائے گی۔ اس کے علاوہ ملزم کو 10 لاکھ روپے تک جرمانہ بھی عائد کیا جائے گا۔ بل میں یہ بھی وضاحت کی گئی ہے کہ یہ جرم ناقابل ضمانت ہوگا۔

یہ ترمیمی بل جادو ٹونے کی روک تھام اور اس سلسلے میں عوام کو تحفظ فراہم کرنے کے لیے پیش کیا گیا ہے، تاکہ اس غیر قانونی سرگرمی کو روکنے میں مدد ملے۔