لاہور (نیشنل ٹائمز) عمرہ زائرین کی پرواز کو 24 گھنٹوں کے دوران دوسری مرتبہ ہنگامی لینڈنگ کرنا پڑی، جس کے بعد دونوں طیاروں کو گراؤنڈ کر دیا گیا۔
ائیر لائن کے ترجمان کے مطابق لاہور سے جدہ جانے والی پرواز پی اے 470 گزشتہ رات ائیر بس اے 320 طیارے کے موسمی رڈار میں فنی خرابی کے باعث کراچی ائیرپورٹ پر اتاری گئی۔ مسافروں کو ہوٹل منتقل کر دیا گیا اور طیارے کو گراؤنڈ کر دیا گیا۔ترجمان نے بتایا کہ منگل کی رات سوا 9 بجے زائرین کو دوسرے متبادل طیارے سے جدہ روانہ کیا گیا، تاہم ٹیک آف کے فوراً بعد جہاز سے پرندہ ٹکرا گیا۔ پائلٹ نے ائیر ٹریفک کنٹرول کو اطلاع دی اور تقریباً ڈیڑھ گھنٹے بعد طیارے کو واپس کراچی ائیرپورٹ اتار لیا گیا۔دوسرے طیارے کو بھی گراؤنڈ کر دیا گیا جبکہ عمرہ زائرین کو دوبارہ لاؤنج منتقل کیا گیا۔ ترجمان کے مطابق زائرین کو تیسرے متبادل طیارے کے ذریعے جدہ روانہ کیا جائے گا۔